У Індыі адкрылі самы высокі чыгуначны мост у свеце
Прэм'ер-міністр Індыі адкрывае новы мост / x.com
У Індыі адкрылі самы высокі чыгуначны мост у свеце. Яго пабудавалі над ракой Чэнаб, каб злучыць штат Джаму і Кашмір з астатняй часткай краіны.
Вышыня Чэнабскага маста — 359 метраў, працягласць — 1,3 км. Ён разлічаны на 120 гадоў службы і здольны вытрымаць шквальны вецер да 74 м/с і землятрусы да 8 балаў па шкале Рыхтэра.
Гістарычная вобласць Кашмір ужо амаль 80 гадоў з'яўляецца аб’ектам тэрытарыяльных спрэчак памiж Індыяй i Пакістанам. Гэта адзін з найбольш мілітарызаваных раёнаў свету. Таму для індыйскага прэм'ера Нарэндры Модзі адкрыццё моста — гэта не толькі інфраструктурны, але і вялікі палітычны праект.
