У Гродне затрымалі чыноўніка, які ў 2020-м галасаваў за Ціханоўскую
Затрыманы / Скрыншот з відэа
Раніцай у сераду ў Гродне сілавікі затрымалі чыноўніка. У "пакаяльным" відэа ён кажа, што ў 2020-м на прэзідэнцкіх выбарах галасаваў за Святлану Ціханоўскую. Таксама прызнаецца, што быў падпісаны на "дэструктыўныя" тэлеграм-каналы.
Пазней стала вядома, што затрыманы — гэта Алег Сала, галоўны дзяржаўны інспектар працы аддзела нагляду за выкананнем заканадаўства аб працы Гродзенскага абласнога ўпраўлення Дэпартамента дзяржаўнай інспекцыі працы Мінпрацы і сацыяльнай абароны.
Сілавікі самі ж дэманструюць, якая шырокая была падтрымка ў Ціханоўскай на выбарах.
