У Ельскім раёне раўнівая жонка забіла мужа

П’яная сямейная сварка скончылася забойствам — трагічны выпадак адбыўся ўвечары 10 верасня ў аграгарадку Зашыр’е Ельскага раёна Гомельскай вобласці. Каля 20.45 у сваёй кватэры быў знойдзены забітым 36-гадовы мужчына. Прычынай смерці стала нажавое раненне.

Паводле папярэдніх звестак, смяротнае пашкоджанне яму нанесла 28-гадовая жонка падчас сваркі на глебе рэўнасці. Жанчына, якая, дарэчы, знаходзіцца ў дэкрэтным адпачынку, у той момант была нецвярозай.

Падазраваную ў забойстве затрымалі, паведамляе прэс-служба МУС.

Фота з архіву