У Дзяржынску за ўдзел у пратэстах у СІЗА адправілі больш за 10 чалавек

У Дзяржынску за ўдзел у пратэстах у СІЗА адправілі больш за 10 чалавек. Яны праходзяць па артыкуле "Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" (арт. 342 КК). Пра вынікі рэйду сілавікоў паведамляюць праваабаронцы.

Раней стала вядома, што за тры дні ў пачатку красавіка ў Дзяржынскім раёне затрымлівалі каля 45 чалавек, былі праведзены дзясяткі ператрусаў. Перад гэтым, 31 сакавіка, уздоўж дарогі каля горада былі вывешаны сцяжкі Беларусі і Украіны, а пры спробе іх зняць сілавікі нібыта знайшлі муляж "выбуховай прылады". 11 красавіка праваабаронцы даведаліся пра тое, што "зачыстка" Дзяржынска аднавілася.