У чацвер прагназуюцца дажджы і навальніцы
У чацвер, 10 чэрвеня, у Беларусі прагназуецца пераменная воблачнасць, паведамляе Белгідраметцэнтр.
Уначы месцамі, а ўдзень на большай частцы тэрыторыі краіны пройдуць кароткачасовыя дажджы, у асобных раёнах прагрымяць навальніцы. Вецер будзе паўночны ўмераны, пры навальніцах парывісты.
Уначы тэрмометры пакажуць 9-15 цяпла, удзень чакаецца ад 21 да 27 вышэй за нуль.
