У Брэсце ілжэ-газавікі прапаноўвалі ўсталяваць прыборы за 250 рублёў

У Брэсце ў шматкватэрныя жылыя дамы прыходзяць невядомыя людзі, прадстаўляюцца “газавікамі” і прапаноўваюць мясцовым жыхарам усталяваць газавыя спавяшчальнікі. Паводле “Брестской газеты”, такія візіцёры прыходзілі ў кватэру адной з брэстаўчанак, прадстаўзляліся “гаргазам”, паказвалі нейкія дакументы, падобныя да міліцэйскіх пасведчанняў і потым, пасля агляду газавай пліты, прапаноўвалі ўсталяваць спецыяльны прыбор.

Кошт прыбора быў немалы — 599 рублёў, але жанчыне прапаноўвалі ўсталяваць яго са зніжкай 50%. Грошы трэба было заплаціць адразу, а ўсталяванне спавяшчальніка абяцалі зрабіць пазней, праз месяц.

Брэстаўчанку насцярожыла такая паспешлівасць з разлікам, яна сказала, што не мае грошай зараз. Візіцёры сышлі, але праз пару дзён яна зноў пабачыла “гаргаз”, які спрабаваў трапіць у пад’езд яе дома.

На прадпрыемстве “Брэстгаз” ведаюць, што нейкія людзі сапраўды ходзяць па кватэрах і прапаноўваюць набыць або ўсталяваць тыя ці іншыя прыборы, аднак яны не маюць дачынення да гэтай дзяржаўнай арганізацыі.

У міліцыю пакуль не паступала сігналаў пра “гаргаз”.