У Беларусі засталося каля 800 ветэранаў вайны
За год ветэранаў стала менш на 300 чалавек / BELTA
У Беларусі на 1 красавіка было 814 ветэранаў Другой сусветнай вайны. Пра гэта паведамляе Міністэрства працы і сацыяльнай абароны. У траўні 2024-га ў РБ налічвалася 1100 ветэранаў.
Таксама ў нашай краіне налічваецца 6400 чалавек, якія "пацярпелі ад наступстваў вайны". Сярод іх — каля 5700 былых вязняў фашызму.
У пачатку траўня ім выплацяць аднаразовую матэрыяльную дапамогу. Інваліды і ўдзельнікі вайны атрымаюць па 5 тысяч рублёў.
