У Беларусі выявілі парушэнні ў крамах яшчэ адной гандлёвай сеткі
У краме (ілюстрацыйнае фота) / sb.by
У Беларусі выявілі парушэнні ў крамах яшчэ адной гандлёвай сеткі. На гэты раз Міністэрства антыманапольнага рэгулявання і гандлю мае прэтэнзіі да "Святлафора". Адзначаецца, што "парушэнні правілаў гандлю" былі ва ўсіх 22 аб'ектах сеткі, якія наведалі чыноўнікі. Якія менавіта, не ўдакладняецца. Вядома толькі, што ў трох крамах прадавалі прадукцыю "са скончаным тэрмінам прыдатнасці". Былі "выдадзены рэкамендацыі аб ліквідацыі парушэнняў і прадпісанні аб забароне рэалізацыі прадукцыі".
Праверкі прайшлі ў абласных цэнтрах, у Мінску, Стаўбцах і Дзяржынску.
Сёлета ў нашай краіне працуюць 127 гандлёвых аб'ектаў сеткі "Святлафор". Цяпер у міністэрстве разглядаецца калектыўны зварот работнікаў сеткі па пытаннях умоў працы.
Раней правяраліся гандлёвыя сеткі "Суседзі" і "Капеечка". Парушэнні выявілі ў 86% і 96% іх правераных аб'ектаў адпаведна.
