У Беларусі сабакаводам фактычна забаранілі гаварыць каманду "фас"
Не дапускаецца прымушаць сабак да нападу на людзей і жывёл / minsknews.by
У Беларусі сабакаводам фактычна забаранілі гаварыць каманду "фас", піша minsknews.by. Да 2025 года такі від дрэсіроўкі хатніх сабак у нашай краіне не быў забаронены. Але з 1 студзеня пачаў дзейнічаць новы закон.
Гаспадары цяпер не могуць вучыць сабак нападаць на людзей. Згодна з законам "Аб адказным абыходжанні з жывёламі", не дапускаецца прымушаць сабак да нападу на людзей і жывёл.
Гэтая забарона не распаўсюджваецца на жывёл, якія "выкарыстоўваюцца ў мэтах аховы жыцця і здароўя ўладальніка жывёлы і (або) яго сваякоў альбо іх маёмасці".
Чакаецца, што "юрыдычна сітуацыю павінен растлумачыць урад у спецыяльнай пастанове".
