У Беларусі могуць перагледзець дзясяткі тысяч прысудаў
Суды чакае "сур'ёзная праца" / sb.by
У Беларусі могуць перагледзець дзясяткі тысяч прысудаў, вынесеных у папярэднія гады. Пра гэта заявіў першы намеснік старшыні Вярхоўнага суда Валерый Калінковіч. Нядаўна Аляксандрам Лукашэнкам быў падпісаны закон "Аб змяненні кодэксаў па пытаннях крымінальнай адказнасці", які прадугледжвае перагляд санкцый па 97 складах злачынстваў у КК.
"Усе тыя папраўкі ў Крымінальны закон, якія пагаршаюць становішча асобы, што ўчыніла злачынствы, маюць зваротную сілу, — цытуе словы Калінковіча "Спутнік". — І ў гэтай сувязі судам трэба будзе не толькі правільна і аднастайна прымяняць палажэнні новага закона пры разглядзе спраў, якія праходзяць ужо цяпер, але і ў адпаведнасці з працэсуальнымі нормамі ажыццяўляць прымяненне зваротнай сілы па крымінальных справах, якія былі разгледжаны ў рамках старога закона".
Суды Беларусі чакае "сур'ёзная праца", кажа першы намеснік старшыні Вярхоўнага суда.
