Трамп вярнуў TikTok у ЗША

Мабільнае прыкладанне TikTok зноў даступна для амерыканцаў.

Пры ўваходзе ў сацсетку з'яўляецца паведамленне:

"Сардэчна запрашаем назад. Дзякуй за вашае цярпенне і падтрымку. Дзякуючы намаганням прэзідэнта Трампа TikTok вярнуўся ў ЗША".

Пасля блакіроўкі TikTok у ЗША Дональд Трамп заявіў, што ў дзень інаўгурацыі выдасць указ аб адтэрміноўцы забароны гэтай сацсеткі.

Сэрвіс кароткіх відэа TikTok спыніў сваю працу ў ЗША ў ноч на 19 студзеня з-за ўведзенай забароны з боку амерыканскіх уладаў.

Пры спробе ўвайсці ў прыладу карыстальнікі атрымлівалі паведамленне: "Закон, які забараняе TikTok, уступіў у сілу ў ЗША. Нажаль, гэта азначае, што вы пакуль не можаце карыстацца TikTok".

Блакаванне звязана з падпісаным прэзідэнтам Джо Байдэнам у 2024 годзе законам, паводле якога кітайская карпарацыя ByteDance павінна прадаць TikTok кампаніі з ЗША да 19 студзеня, каб пазбегнуць забароны.