Тэхагляд аўтамабіляў у Беларусі даражэць не будзе
У "Белтэхаглядзе" адмовіліся ад росту коштаў, бо фінансавая нагрузка на аўтамабілістаў і так вялікая.
"Белтэхагляд" вырашыў адмовіцца ад ранейшага рашэння аб росце коштаў на свае паслугі. Прычынай такой адмовы называюць высокую фінансавую нагрузку на аўтаўладальнікаў, перадае interfax.by.
Як паведамляла Еўрарадыё, 4 траўня ўнітарнае прадпрыемства "Белтэхагляд" вызначыла новыя кошты на паслугі тэхагляду аўтамабіляў. Павышэнне склала 30 тысяч рублёў.
У Беларусі падаражэў тэхагляд аўтамабіляў
Перагляд коштаў быў звязаны са зменамі ў парадку тэхагляду. У прыватнасці, падчас тэхагляду быў уведзены новы этап — тэхнічны кантроль узроўню шуму сістэмы выпуску адпрацаваных газаў рухавіка. Гэтая навацыя і паўплывала на павелічэнне кошту. Аднак 5 траўня "Белтэхагляд" вырашыў адмовіцца ад павышэння коштаў, уведзенага за дзень да таго.
Фота — ctv.by
