“Тарпеда-БелАЗ” не можа перамагчы мясцовы клуб у Слуцку з 2020 года
Жодзінскае “Тарпеда” не можа перамагчы ў Слуцку ўжо сем матчаў запар / "Торпедо-БелАЗ"
4 красавіка стартаваў трэці тур чэмпіянату Беларусі па футболе ў Вышэйшай лізе. У Слуцку “Тарпеда-БелАЗ” і мясцовы “цукровы” клуб галоў не забілі — 0:0.
Апошні раз “аўтазаводцы” абыгрывалі “цукровых” у верасні 2019 года. “Тарпеда-БелАЗ” пасля трох тураў здабыло ўсяго тры ачкі. За апошнія 10 сезонаў каманда з Жодзіна толькі двойчы стартавала яшчэ горш.
Пры цяперашнім трэнеры Дзмітрыі Молашы такі правальны старт быў у 2022 годзе.
У Брэсце мясцовае “Дынама” прымала навічка лігі “МЛ Віцебск” і прайграла з лікам 0:2. Ключавым момантам гульні стаў нерэалізаваны гаспадарамі пенальці ў сярэдзіне другога тайма. Удар адбіў брамнік гасцей Павел Паўлючэнка.
5 красавіка пройдуць яшчэ тры матчы тура:
“Маладзечна” — БАТЭ
“Віцебск” — “Нафтан”
“Дынама-Мінск” — “Нёман”
6 красавіка трэці тур завершыцца трыма гульнямі:
“Іслач” — “Мінск”
“Арсенал” — “Смаргонь”
“Гомель” — “Славія”
