Санкцыі прымусілі "Беларуснафту" шукаць абсталяванне ў Кітаі
Беларускія нафтавікі ў Кітаі / neft.by
У выніку санкцый "Беларуснафта" вымушаная шукаць абсталяванне ў Кітаі. Дэлегацыя беларускай кампаніі правяла 20-дзённую паездку ў КНР, піша яе карпаратыўнае выданне.
Беларускія нафтавікі наведалі шэраг кітайскіх вытворцаў абсталявання для здабычы нафты, у тым ліку Пекінскі завод нафтавага машынабудавання. Быў праведзены яго аўдыт.
У першую чаргу беларускіх нафтавікоў цікавілі свідравыя станкі цяжкага класа, мабільныя ўстаноўкі для бурэння бакавых ствалоў і капітальнага рамонту свідравін ды іншае абсталяванне, патрэбнае для здабыцця цяжказдабывальных запасаў.
