Revolut закрывае рахункі беларусам з працоўнымі візамі D
Revolut — гэта брытанскі анлайн-банк / Unsplash
Revolut закрывае рахункі беларусам з працоўнымі візамі D. У арганізацыі прычынай называюць новыя санкцыі.
Закрываюць рахункі да 31 снежня. Каб пазбегнуць гэтага трэба прадставіць дзейны від на жыхарства ў краіне ЕС.
Шмат хто з тых, хто зрабіў такі рахунак — кіроўцы, якія працуюць у польскіх ці літоўскіх кампаніях. Акрамя беларусаў, Revolut патрабуе дазволаў на жыхарства ў ЕС і ад расіян.
Варта адзначыць, што ў новым еўрапейскім пакеце санкцый няма такога пункту, які б прымушаў кампанію закрываць рахункі беларусам. То бок у Revolut хутчэй перастрахоўваюцца.
