Намеснік кіраўніка МАГАТЭ наведае пляцоўку Астравецкай АЭС
Аляксандр Бычкоў 6 кастрычніка азнаёміцца з ходам работ на станцыі, а таксама наведае інфармацыйны цэнтр будучай АЭС.
З беларускага боку ў візіце прымуць удзел прадстаўнікі Міністэрства энергетыкі, МЗС, дырэкцыі будаўніцтва АЭС, а таксама адміністрацыі Гродзенскай вобласці і шэрагу падрадных арганізацый, перадае БЕЛТА.
Візіт у Беларусь намесніка генеральнага дырэктара МАГАТЭ Аляксандра Бычкова праходзіць з 4 па 7 кастрычніка. Асноўнай тэмай сустрэч у рамках візіту стала абмеркаванне вынікаў місіі МАГАТЭ, якая працавала ў нашай краіне з 16 па 30 чэрвеня сёлета.
