Літва пагражае не купляць электраэнергію Беларускай АЭС
З такой ініцыятывай выступіла спікер Сейма Ірэна Дзегуцене.
15 жніўня яна выпраўляецца з працоўным візітам у Фінляндыю на канферэнцыю кіраўнікоў парламентаў Балтыйскіх і Паўночных краін. Дзегуцене збіраецца абмеркаваць будаўніцтва атамных электрастанцый у Беларусі і Калінінградскай вобласці Расіі.
Па яе словах, якія перадае DELFI, Маскве і Мінску трэба выразна сказаць, што без гарантыяў бяспекі, купля электраэнергіі ў гэтых станцый будзе абмежаваная.
Дзегуцене адзначае, што беларуская і расійская АЭС павінны адпавядаць міжнародным патрабаванням бяспекі. А калі такіх гарантыяў няма, то ўжо цяпер трэба сказаць, што купля электраэнергіі ў дзяржаў, што не прытрымліваюцца такіх патрабаванняў, будзе абмежаваная, кажа літоўскі палітык.
Фота — DELFI
