Расія дазволіла рэжыму Лукашэнкі не плаціць па даўгах да 2031 года
Гаворка ідзе пра 800 мільёнаў долараў / Reuters
Расія дазволіла рэжыму Лукашэнкі не плаціць па даўгах да 2031 года. 4 сакавіка Дзярждума РФ ратыфікавала дакументы аб адтэрміноўцы выплат па расійскіх дзяржаўных крэдытах. "У мэтах зніжэння плацёжнай нагрузкі на бюджэт Рэспублікі Беларусь", — патлумачыў сітуацыю намеснік міністра фінансаў Расіі Уладзімір Колычаў.
У выніку плацяжы ў пагашэнне асноўнага доўгу і працэнты плацяжоў перанесены з 2024 года "на перыяд 2031-2036 гадоў". Расійскі міністр удакладніў, што агульная сума плацяжоў, якая падлягае адтэрміноўцы, складае каля 800 мільёнаў долараў.
"Пагадненнем прадугледжаны змены ўмоў расійска-беларускіх міжурадавых пагадненняў, у адпаведнасці з якімі урадам РФ прадастаўлены дзяржаўныя крэдыты ўраду Рэспублікі Беларусь, — кажа намеснік старшыні камітэта Дзярждумы па справах СНД, еўразійскай інтэграцыі і сувязях з суайчыннікамі Арцём Тураў. — Палажэнні пагаднення і пратакола канфідэнцыйныя".
