П'яны кіроўца перакуліўся на грузавіку, вёз цыстэрну прапан-бутану (фота)
Здарэнне адбылося ўдзень 12 чэрвеня на трасе Гомель — Кобрын у Жыткавіцкім раёне.
Грузавік "Вольва" з прычэпам-цыстэрнай з'ехаў з аўтатрасы і перакуліўся. Ён перавозіў больш за 17 тон сумесі прапан-бутану. Як інфармуе прэс-служба МНС, кіроўцам аказаўся 57-гадовы грамадзянін Польшчы. Ён вёз груз у Беласток. Было высветлена, што паляк быў моцна п'яны.
Учора вяліся працы па ліквідацыі наступстваў здарэння.
Фота — МНС
