Пяцёра ўдзельнікаў пратэстаў выплацяць "Мінсктрансу" больш за 7 тысяч рублёў
Аўтобус рухаецца па маршруце ў Мінску / Еўрарадыё
Па рашэнні суда Заводскага раёна Мінска з пяцярых удзельнікаў пратэстаў спагнаная шкода, нанесеная прыпыненнем руху грамадскага транспарту, паведамляе Генпракуратура.
Пазоў у суд накіравала сталічная пракуратура. Адказчыкаў па справе раней ужо асудзілі за беспарадкі 30 жніўня мінулага года. Цяпер яны павінныя выплаціць 7,5 тысяч рублёў на карысць "Мінсктранса", а таксама дзяржаўную пошліну ў памеры 300 рублёў.
Рашэнне суда не ўступіла ў законную сілу, яго можна абскардзіць і апратэставаць.
