Прэзідэнты Літвы і Украіны гаварылі пра ўзмацненне рэпрэсій у Беларусі
16 жніўня адбылася тэлефонная гутарка прэзідэнта Літвы Гітанаса Наўседы і ўкраінскага прэзідэнта Уладзіміра Зяленскага. Як піша Наўседа ў Twitter, гаворка ішла пра міграцыйны крызіс на беларуска-літоўскай мяжы і пра ўзмацненне кантролю. Ён падкрэсліў, што адбываецца "гібрыдная атака беларускага рэжыму" і на Літву, і на ЕС. Пры гэтым актыўна выкарыстоўваецца дэзынфармацыя і прапаганда.
Таксама Наўседа і Зяленскі гаварылі пра сітуацыю ў Беларусі. Прэзідэнт Літвы звярнуў увагу на тое, што рэпрэсіі ўзмацняюцца.
