Cудовыя выканаўцы адкапалі з-пад снегу дом, каб арыштаваць яго

Судовыя выканаўцы за пазыкі арыштавалі дом у аграгарадку Яроміна Гомельскага раёна. Як расказалі ў Галоўным упраўленні юстыцыі Гомельскага аблвыканкама, дом давялося адкопваць з-пад снегу.

Пусты дом аказаўся добра занесены снегам, таму супрацоўнікам службаў давялося ўзяцца за шуфлі.

Згодна з рашэннем суда памяшканне ўскрылі без прысутнасці гаспадыні. Уладальніца будынка цяпер адбывае пакаранне на тэрыторыі Расіі. Паведамляецца, што яна займалася прадпрымальніцкай дзейнасцю і сістэматычна парушала заканадаўства. У выніку ў яе назапасілася запазычанасць у памеры 2 млн расійскіх рублёў (каля 25 тысяч долараў).

У кошт пагашэння запазычанасці і быў арыштаваны дом ды іншая маёмасць у Беларусі. Яе прададуць праз электронныя аўкцыёны.