Пад Смалявічамі ў выніку аварыі загінула 4-гадовае дзіця
Трагічнае здарэнне адбылося 26 жніўня на 22-м кіламетры аўтадарогі Слабада — Навасады.
34-гадовы жыхар Барысава рухаўся на аўтамабілі "Опель Кадэт" у напрамку Мінска. Ён не саўладаў з кіраваннем, у выніку чаго машына з'ехала на абочыну і перакулілася.
У выніку аварыі пры перакульванні аўтамашыны з задняга сядзення выпаў сын кіроўцы, 2010 нараджэння. Дзіця ад атрыманых цялесных пашкоджанняў памерла на месцы.
Аўтамашына дзіцячым крэслам была не абсталяваная, а дзіця не было прышпіленае рамянём бяспекі, адзначае БЕЛТА.
Фота — onliner.by
