Пад Кобрынам ў аварыю трапіла цыстэрна з палівам (фота)
Па словах відавочцы, цыстэрна з'ехала ў кювет абсалютна нечакана.
Пад Кобрынам каля вёскі Камень адбылася аўтааварыя з цыстэрнай з палівам, піша "Комсомольская правда". Відавочца аварыі Руслан кажа, што па трасе Кобрын-Гомель рухалася калона з некалькіх цыстэрнаў. Нечакана адна з іх рэзка з'ехала ў кювет.
Відавочца мяркуе, што кіроўцу цыстэрны стала кепска. Да месца здарэння прыбылі міліцыянты і ратавальнікі. На шчасце, пры здарэнні цыстэрна не загарэлася і не выбухнула.
Фота — Руслан Юрцэвіч
