Невядомы адкрыў страляніну каля будынка ФСБ у цэнтры Масквы (відэа)
У Маскве на Кузнецкім мосце каля будынка ФСБ невядомы адкрыў страляніну. Паводле неафіцыйнай інфармацыі, якую перадае расійская "Новая газета", як мінімум адзін чалавек загінуў. Гэта супрацоўнік ФСБ. Ёсць і параненыя.
Мяркуецца, што чалавек з зброяй забарыкадаваўся ў будынку на Вялікай Лубянцы і пачаў адтуль страляць. Па словах відавочцаў, былі чутныя гукі выбуху.
Сведкі кажуць, што перастрэлка пачалася каля 18:00. З навакольных кавярняў нікога не эвакуявалі.
Раён інцыдэнту ачапляюць і перакрываюць рух па ім.
Дарэчы, заўтра, 20 снежня, у Расіі адзначаецца Дзень работнікаў органаў бяспекі — уласна кажучы, таго самага ФСБ.
Видео очевидцев pic.twitter.com/V1ZSotrHNw
— Новая Газета (@novaya_gazeta) December 19, 2019
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
