Надвор'е ў пятніцу, 3 верасня: моцны вецер з поўначы і захаду
Сабака пад парывамі ветру / Ілюстрацыйны фотаздымак
Днём 3 верасня ў Беларусі аб'яўлены аранжавы ўзровень небяспекі. Сіноптыкі прагназуюць, што на тэрыторыі краіны значна ўзмоцніцца хуткасць ветру і пройдуць кароткачасовыя дажджы.
У многіх рэгіёнах рэспублікі, у тым ліку ў Мінску, чакаецца ўзмацненне заходняга і паўночна-заходняга ветру, парывы якога могуць скласці 15-20 м/с.
Тэмпература паветра ў сталіцы складзе 15-17 градусаў цяпла. У Брэсце будзе 18-20 градусаў са знакам плюс, у Віцебску — 13-15, Гомелі — 16-18, Гродне — 17-19, Магілёве — 15-17 градусаў цяпла.
