Над Вільняй — слуп чорнага дыму: гарыць завод па перапрацоўцы смецця
Гарыць прадпрыемства па перапрацоўцы смецця Energesman. / Delfi
У Вільні загарэлася прадпрыемства па перапрацоўцы смецця Energiesman, паведамляе Delfi. Жыхароў горада папярэджваюць пра магчымую небяспеку для здароўя: ім рэкамендуюць зачыніць вокны і без патрэбы не выходзіць на вуліцу.
Паведамленне пра пажар паступіла раніцай 27 красавіка а 7:48. Загарэлася смецце ў адным з двухпавярховых будынкаў прадпрыемства на вуліцы Ёчуню, 13, недалёка ад рынку Гарунай.
Для тушэння прыцягнулі сем пажарных машын і пад'ёмнік, на месцы працуе мабільны штаб. Інфармацыі пра пацярпелых пакуль няма.
