На волю выйшаў палітвязень Уладзімір Гемза
Уладзімір Гемза / spring96.org
На волю выйшаў палітвязень Уладзімір Гемза, паведамляюць праваабаронцы. Ён быў за кратамі са студзеня 2022 года.
Гемза — жыхар Ліды, быў асуджаны на 2 гады пазбаўлення волі за каментары ў Telegram ("распальванне варожасці ці варажнечы"). Пасля суда яго ўнеслі ў спісы "тэрарыстаў" і "экстрэмістаў". Беларускія праваабаронцы прызналі Уладзіміра Гемзу палітвязнем.
Свой тэрмін Гемза адбываў у ПК № 2 і цалкам яго адбыў.
На 20 снежня ў РБ налічваецца 1463 палітвязні, прызнаных праваабаронцамі.
