На Мінскім моры каля 50 рыбакоў апынуліся адрэзанымі ад берага
Паўсотні рыбакоў на Мінскім моры апынуліся адрэзанымі ад берага паўметровай расколінай, інфармуюць "Мінск-Навіны".
Інцыдэнт адбыўся паблізу гатэля "Юнацтва", на другім беразе ад ратавальнай станцыі "Заслаўе-2", каля 15-й гадзіны. На месцы здарэння працуюць спецыялісты Мінскай гарадской арганізацыі Таварыства ратавання на вадзе (ОСВОД). Яны ўжо змаглі даставіць на сушу чатырох рыбакоў.
