На хімічным заводзе ў Японіі адбыўся выбух (відэа)

Выбух на хімічнай фабрыцы адбыўся ў цэнтральнай частцы Японіі, піша "СБ. Беларусь сегодня" са спасылкай на японскія інфармагенцтвы. Трагедыя адбылася на заводзе Arakawa Chemical Industries Ltd. у горадзе Фудзі недалёка ад вядомай горы.

На прадпрыемстве пасля выбуху пачаўся пажар. Жыхары бліжэйшых дамоў эвакуяваныя.

Паведамляецца, што пры здарэнні загінуў адзін чалавек, з адзінаццаці траўмаваных і параненых трое знаходзяцца ў цяжкім стане.

Завод, на якім адбыўся выбух, выпускае хімічныя рэчывы для вытворчасці паперы і атраманту для друкарак.