Мужчыны Мінска зарабляюць больш, жанчыны сталіцы — больш адукаваныя

У 2024 годзе ў эканоміцы Мінска было занята 1 033,9 тысячы чалавек. Пры гэтым жанчын сярод працоўнага насельніцтва больш: 52,5% супраць 47,5% мужчын. Такія даныя публікуе Нацыянальны статыстычны камітэт Беларусі.

Узровень занятасці ў працаздольным узросце склаў у жанчын 81,3%, у мужчын — 83,1%.

Жанчыны значна апярэджваюць мужчын па ўзроўні адукацыі: 57,7% занятых жанчын маюць вышэйшую адукацыю супраць 47,4% у мужчын.

Па ўзроставым складзе відаць, што сярод жанчын больш прадстаўніц маладзейшых і старэйшых узроставых груп (да 30 і пасля 60 гадоў), тады як у мужчын пік занятасці прыпадае на ўзрост 30–49 гадоў.

Сярэдні ўзрост занятых мужчын — 41,5 года, жанчын — 41,7 года.