МУС адказаў сваякам Статкевіча, дзе знаходзіцца палітвязень
Мікалай Статкевіч на нейтральнай паласе
Сваякам Мікалая Статкевіча прыйшоў афіцыйны адказ ад МУС на запыт, дзе знаходзіцца палітвязень.
У лісце гаворыцца, што "Статкевіч М.В. адбывае пакаранне згодна з прыгаворам Гомельскага абласнога суда ад 14.12.2021". Аднак дзе менавіта трымаюць палітвязня, у лісце не ўдакладняецца.
Статкевічу прысудзілі 14 гадоў зняволення, абвінаваціўшы ў "арганізацыі масавых беспарадкаў".
Мікалай Статкевіч быў у ліку 51 зняволенага, якіх 11 верасня памілаваў Лукашэнка. Калі былых вязняў дэпартавалі з Беларусі ў Літву, Статкевіч адчыніў дзверы аўтобуса і выйшаў на нейтральнай паласе паміж краінамі. Праз некалькі гадзін ён вярнуўся на тэрыторыю Беларусі, пасля чаго звестак пра яго не было. У СМІ выказвалі меркаванне, што палітвязня адправілі ў глыбоцкую калонію, але пацвярджэння гэтаму няма.
