Мінімум 122 чалавекі затрымалі па справе "Гаюна"
Беларускі Гаюн / Telegram
Праваабаронцам "Вясны" вядомы імёны 122 чалавек, затрыманых і змешчаных пад варту па справе "Беларускага Гаюна".
Агульная колькасць затрыманых, хутчэй за ўсё, значна большая, бо суды па гэтай справе праходзяць практычна штодзённа. Звычайна фігурантаў адпраўляюць на "хімію" або ў калонію. Вядома таксама, што некаторых затрыманых да суда адпускаюць пад залог.
У пачатку лютага 2025 года чат-бот тэлеграм-канала "Беларускі Гаюн" быў узламаны сілавікамі. Яны атрымалі доступ да персанальных даных беларусаў, якія дасылалі туды інфармацыю. Неўзабаве пасля гэтага праект абвясціў аб закрыцці.
