МАК заклікае дапусціць беларусаў і расіян да кваліфікацыі зімовай Алімпіяды-2026
Лыжы, ілюстрацыйнае фота
З беларускіх і расійскіх спартоўцаў варта зняць санкцыі і дапусціць іх да адбору на зімовую Алімпіяду-2026. З такім заклікам да міжнародных федэрацый зімовых відаў спорту звярнуўся Міжнародны алімпійскі камітэт (МАК).
Як паведамляе шведскі тэлеканал SVT, МАК адрасаваў свае прапановы Міжнароднаму саюзу біятланістаў (IBU) і Міжнароднай федэрацыі лыжных відаў спорту (FIS).
Крыніца тэлеканал ў IBU кажа, што МАК не пагражае спыніць фінансаванне ў выпадку адмовы, але хоча знайсці рашэнне, якое дазволіць нейтральным спартоўцам удзельнічаць у зімовых Алімпійскіх гульнях.
"Яны сапраўды хочуць гэтага дамагчыся і спадзяюцца, што мы дапусцім нейтральных спартоўцаў да кваліфікацыі на наступны сезон", — прыводзіць SVT словы сваёй крыніцы ў IBU.
Беларускія і расійскія спартоўцы трапілі пад міжнародныя санкцыі пасля пачатку шырокамаштабнага расійскага ўварвання ва Украіну. Яшчэ некалькі дзён таму кіраўнік Міжнароднага саюза біятланістаў Оле Далін казаў, што пытанне пра допуск беларускіх і расійскіх спартоўцаў да міжнародных турніраў на сёння нават не разглядаецца.
