Мабільнік Мельнікавай знаходзіцца ў Беларусі з 19 сакавіка — Латушка
Анжаліка Мельнікава / Еўрарадыё
Мабільны тэлефон зніклай Анжалікі Мельнікавай з 19 сакавіка знаходзіцца на тэрыторыі Беларусі. Гэта выяўлена з дапамогай тэхнічных сродкаў, паведамляе ў сваім тг-канале кіраўнік НАУ Павел Латушка.
Па звестках Еўрарадыё, яшчэ 21 сакавіка спікерка Каардынацыйнай рады камунікавала з дэлегатамі голасам па тэлефоне.
Пра знікненне спікеркі КР Латушка публічна паведаміў у пятніцу, 28 сакавіка. Тады ён сказаў, што сувязі з Мельнікавай няма з 25 сакавіка.
Разам з Мельнікавай зніклі і дзве яе дачкі.
Прадстаўнікі МУС Польшчы заявілі, што Мельнікава пакінула краіну некалькі тыдняў таму. У СМІ пісалі, што яе былы муж выехаў у Беларусь.
