Літва афіцыйна назвала нелегальную міграцыю праз Беларусь гібрыднай агрэсіяй

Парламент Літвы прыняў рэзалюцыю, якая прызнае нелегальную міграцыю праз Беларусь гібрыднай агрэсіяй, піша delfi.lt. Прапануецца:

— ахоўваць дзяржмяжу з Беларуссю з дапамогай войска і ўсталяваць фізічную загароду па ўсім перыметры; 

— трактаваць іншаземцаў з трэціх краін, якія нелегальна перасякаюць мяжу Літвы і не маюць дакументаў, як верагодных актыўных удзельнікаў гібрыднай атакі;

— забяспечыць, каб арганізатары патокаў нелегальнай міграцыі, уключаючы беларускіх фізічных і юрыдычных асоб, былі прыцягнутыя да адказнасці і каб супраць іх былі ўжытыя нацыянальныя санкцыі і санкцыі ЕС;

— ініцыяваць інфармацыйную кампанію ў краінах паходжання нелегальнай міграцыі дзеля стрымлівання патэнцыйных мігрантаў і дамагацца вяртання мігрантаў у краіны іх паходжання.

Сейм Літвы таксама звярнуўся да іншых краінаў ЕС з заклікам дапамагчы ў адбіванні гібрыднай агрэсіі.

Апошнія тыдні, як неаднаразова заяўлялі прадстаўнікі памежнай службы Літвы, вельмі вырасла нелегальная міграцыя з Беларусі. Літоўцы мяркуюць, што беларускі бок знарок правакуе гэтую сітуацыю.