Лісты ад "фэйкавага Ціханоўскага" атрымліваюць еўрапейскія палітыкі
Сяргей Ціханоўскі / "Страна для жизни"
Еўрапейскія палітыкі, чыноўнікі і дзяржаўныя органы атрымліваюць фэйкавыя лісты і допісы нібыта ад Сяргея Ціханоўскага. Пра гэта паведаміў дарадца Святланы Ціханоўскай Франак Вячорка.
"Мы цяпер на міжнародным форуме у Бледзе. Аказалася, некаторым удзельнікам форуму пісаў "Ціханоўскі" з прапановамі супрацы. Раней у Літве быў фэйкавыя ліст у пракуратуру, што нават пракуратура пачала расследаванне, прыняўшы ліст за сапраўдны. Відавочна, цяпер гэбэ працуе па ўсіх франтах, і будзьце ўважлівыя", — заявіў Вячорка.
Ён паказаў адно з такіх паведамленняў і звярнуў увагу на асаблівасці допісу: "Тут выдае як мінімум напісанне імя. Сяргей сябе падпісвае Sergey Tihanovski. Ну і тэма, стыль, і подпіс — выклікае адразу сумневы".
