ХК "Дынама-Мінск" скасаваў кантракт з Давідам Ульстрэмам

ХК "Дынама-Мінск" скасаваў кантракт з Давідам Ульстрэмам. Шведскі нападаючы выступаў за беларускі клуб з 2016 года (у Мінск ён пераехаў з Навасібірска, дзе выступаў за "Сібір").

Як інфармуе прэс-служба клуба, пагадненне з Ульстрэмам скасаванае па пагадненні бакоў. Выконваючы абавязкі намесніка гендырэктара Павел Бурба кажа, што да нападаючага прэтэнзій няма, "ён цалкам выканаў свае абавязацельствы". Аднак у бягучым сезоне хакеіста пераследавалі траўмы, якія не дазволілі яму праявіць сябе (ён за сезон згуляў толькі 3 паядынкі, зарабіў 1 ачко).