“Гвалт” і музыка: што паказала міністэрская праверка еўрапейскіх суполак — эфір

Як пісьменнікам (музыкам, мастакам, акторам і творцам іншых накірункаў дзейнасці) неабходныя сустрэчы са сваімі чытачамі для рэфлексіі і зваротнай сувязі, так і аматарам літаратуры (музыкі, жывапісу, тэатра) неабходныя і цікавыя сустрэчы з творцамі. Цікавасць двухбаковая. І абодвум бакам (звычайна) прыносіць задавальненне. Асабліва калі пісьменнік можа не толькі расказаць пра сваю літаратурную творчасць, але яшчэ і распавесці цікавостак пра беларускую і не толькі музыку. 

Чым адметіны сёлетні еўрапейскі тур і хто больш цікавіць беларусаў падчас сустрэч – Чарнуха-пісьменнік ці Чарнуха-міністр? Як чытачы сустракаюць новую кнігу і якія найчасцей гучаць пытанні? Ці не стаміліся беларусы рэфлексаваць на тэму 2020 года і як пачувае сябе сёння беларуская музыка ў Еўропе? На гэтыя ды іншыя пытанні ў жывым эфіры Еўрарадыё адказвае публіцыст, музычны журналіст, пісьменнік, аўтар і вядоўца ютуб-канала “Міністэрства сепультуры” Аляксандр Чарнуха.