Гомельскага бізнэсмэна будуць судзіць па справе аб здрадзе і абразе Лукашэнкі
Гомельскаму бізнэсмэну пагражае вялікі тэрмін за палітыку / vk.com
У Гомелі за дзяржаўную здраду і абразу Лукашэнку будуць судзіць мясцовага прадпрымальніка Мікалая Юшчанку, піша "Наша Ніва".
Суд над бізнэсмэнам пачнецца 12 снежня 2024 года ў Гомельскім абласным судзе. Яго абвінавачваюць па двух артыкулах — "дзяржаўная здрада" (ч. 1 арт. 356 КК) і "абраза Лукашэнкі" (ч. 1 арт. 368 КК).
Мужчыну пагражае да 19 год калоніі.
Судзіць яго будзе Вадзім Бабыроў — ён асудзіў па палітычных крымінальных справах больш за 20 чалавек.
