Еўрабачанне-2021: як і дзе глядзець другі паўфінал конкурсу
Прадстаўнікі Ісландыі Daði og Gagnamagnið / EBU
20 траўня ў Ратэрдаме пройдзе другі паўфінал конкурсу песні "Еўрабачанне-2021". З-за адхілення гурта "Галасы ЗМеста" Беларусь сёлета не транслюе конкурс, але яго можна паглядзець анлайн.
Прамую трансляцыю другога паўфіналу "Еўрабачання-2021" будуць паказваць на YouTube-канале конкурсу. Пачнецца яна ў 22:00 па мінскім часе.
Прамая трансляцыя другога паўфіналу "Еўрабачання-2021"
Сталі вядомыя вынікі другога паўфіналу "Еўрабачання-2021"
Удзельнічаць у другім паўфінале "Еўрабачання" будуць прадстаўнікі наступных краін:
-
Малдова
- Сан-Марына
- Эстонія
- Латвія
- Ісландыя
- Чэхія
- Грэцыя
- Аўстрыя
- Польшча
- Грузія
- Сербія
- Албанія
- Балгарыя
- Фінляндыя
- Швейцарыя
- Данія
Цікава, што прадстаўнікі Ісландыі Daði og Gagnamagnið, якіх букмекеры называюць аднымі з фаварытаў "Еўрабачання-2021", на арэне перад гледачамі не выступяць: у аднаго з удзельнікаў гурта выяўлены каранавірус. Хутчэй за ўсё, будзе транслявацца запіс генеральнай рэпетыцыі іх выступу. Як гэта будзе — ўбачым у прамым эфіры пасля 22:00.
