Эксперты назвалі прычыны, чаму Беларусь атрымала "мяккі" варыянт санкцый

Іншая прычына — цяжкія наступствы для порта ў Клайпедзе, праз які ідзе пастаўка за мяжу калійных угнаенняў. Летась яны складалі каля траціны ад яго загрузкі. І таму Літва магла запатрабаваць ад ЕС кампенсацыі ад наступстваў санкцый для яе эканомікі. Яшчэ адна прычына — захаванне для ўладаў Беларусі прасторы для палітычнага манеўру і дыялогу (эксперты мяркуюць, што апошні адбываецца "дастаткова інтэнсіўна", але "не публічна").

Аднак нават "мяккі варыянт" санкцый ЕС вымушае ўлады Беларусі дзейнічаць "у не самых камфортных умовах". Напрыклад, падаражэе лагістыка.

Што да нафтапрадуктаў, то рэальная ўразлівасць Беларусі перад санкцыямі ацэньваецца значна ніжэй, чым з калійнымі ўгнаеннямі. Найперш з-за таго, што іх набывае ў асноўным Украіна.

Пасля прыняцця 4-га пакета санкцый, ЕС 24 чэрвеня ўхваліў сектаральныя эканамічныя санкцыі супраць уладаў Беларусі. Яны закранаюць нафтаперапрацоўку, экспарт калійных ўгнаенняў, банкаўскую сферу, тытунёвы бізнес. Тым часам Еўрасаюз рыхтуе пяты пакет санкцый (па неафіцыйнай інфармацыі, яго могуць прыняць у пачатку ліпеня) і збіраецца ўзмацняць ціск на афіцыйны Мінск.