Дзве машыны МНС сутыкнуліся каля вёскі, калі ехалі на выклік
ДТЗ з аўтамабілямі МНС / МНС
ДТЗ з двума машынамі МНС адбылося 23 чэрвеня каля аграгарадка Мікелеўшчына Мастоўскага раёна Гродзенскай вобласці.
Аўтамабілі ехалі на выклік і не змаглі раз'ехацца на дарозе. У выніку адна з машын з'ехала на ўзбочыну і перакулілася.
Адзін з супрацоўнікаў атрымаў траўмы і быў шпіталізаваны, аднак пагрозы жыццю няма, паведамляе прэс-служба МНС.
Тэхніка атрымала механічныя пашкоджанні.
На месца інцыдэнту па даручэнні міністра Вадзіма Сіняўскага выязджала аператыўная група. Праводзіцца службовая праверка.
