Да +26°С і навальніцы. Якім будзе надвор'е на Вялікдзень, 20 красавіка
Навальніца ў Гомелі / progomel.by
Да 26 градусаў цяпла чакаецца ў Беларусі ў нядзелю, 20 красавіка. Дзень будзе цёплы, але мокры: месцамі на Вялікдзень прагназуюцца кароткачасовыя дажджы, а месцамі — навальніцы.
Уночы і раніцай у асобных раёнах слабы туман. Тэмпература паветра ўночы складзе ад 7 да 13 градусаў вышэй за нуль. Удзень будзе ад +20°С да +26°С. Такі прагноз даюць у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У Мінску 20 красавіка чакаецца кароткачасовы дождж і моцны вецер. Таксама магчымая навальніца.
Вецер будзе паўднёвы, парывамі да 14 м/с. Уночы тэмпература паветра складзе +11°С … +13°С. Удзень слупкі тэрмометраў пакажуць ад +20 да +22 градусаў.
