Ціханоўская ўдзельнічае ў сустрэчы Савета Еўропы, дзе абвесцяць трыбунал над РФ

Святлана Ціханоўская ў Люксембургу ўдзельнічае ў міністэрскай сустрэчы Савета Еўропы. На гэтай сустрэчы будзе абвешчана пра стварэнне трыбуналу за злачынствы Расіі супраць Украіны.

У сваім выступе перад міністрамі лідарка беларускіх дэмсілаў плануе патлумачыць і дэталёва раскрыць суагрэсарскую ролю рэжыму Лукашэнкі ў вайне. Таксама Ціханоўская мяркуе пераканаць удзельнікаў сустрэчы ў неабходнасці прыцягнуць да адказнасці ўсіх датычных.

У Ціханоўскай таксама запланаваны шэраг асабістых сустрэчаў з міністрамі, якія ўдзельнічаюць у сесіі. Падчас іх плануецца абмеркаваць наступныя тэмы: 
— магчымасці, метады і шляхі вызвалення беларускіх палітвязняў;
— падтрымка беларускай дыяспары; 
— дапамога беларускім незалежным медыя;
— супраца паміж дэмакратычнымі сіламі і Саветам Еўропы.