"Чалавек, які разумее": Лукашэнка распавёў пра сваю тэлефонную размову з Трампам
Прэзідэнт ЗША Дональд Трамп / АР
Аляксандр Лукашэнка распавёў пра сваю тэлефонную размову з прэзідэнтам ЗША Дональдам Трампам. З ЗША ў Мінск патэлефанавалі 15 жніўня у дзень расійска-амерыканскага саміту на Алясцы.
"Гэта чалаве, які разумее. Яму б паболей такіх надзейных людзей, думаю, карысць ад гэтага будзе. Тым больш што ён настроены на мір", — пракаментаваў Лукашэнка.
Раней пра падрабязнасці размовы Трампа і Лукашэнкі было вядома няшмат. З каментару прэс-сакратара кіраўніка Беларусі вынікала, што падчас званка Мінск не абмяркоўваўся як перамоўная пляцоўка паміж Кіевам і Масквой для дасягнення міру ва Украіне.
Каментуючы пасярэдніцтва Трампа ва ўрэгуляванні канфлікту, Лукашэнка сказаў, што амерыканскі прэзідэнт яго здзівіў.
"Ён класна адыграў сваю ролю насуперак усім чаканням", — пахваліў ён Трампа.
