Былога намесніка старшыні Ваеннага суда асудзілі на 14 гадоў калоніі
Яго пакаралі за хабар. Аднак сваёй віны Юрый Тузаў не прызнаў.
Былы намеснік старшыні Ваеннага суда Беларусі Юрый Тузаў асуджаны на 14 гадоў калоніі ўзмоцненага рэжыму. Яго прызналі вінаватым у атрыманні хабару. Рашэнне было вынесена ў аўторак, 30 снежня. Сваёй віны Тузаў не прызнаў, інфармуе БЕЛТА.
Таксама Вярхоўны суд асудзіў на 2 гады і 6 месяцаў абмежавання волі з накіраваннем ва ўстановы адкрытага тыпу Сяргея Шымчука. Яго прызналі вінаватым у дачы хабару. Шымчук сваю віну цалкам прызнаў.
Фота: Fotolia
