Белчыгунка хоча аднавіць рэйсы ў Літву, Латвію і Польшчу

"Беларуская чыгунка" прапанавала Літве, Латвіі і Польшчы аднавіць рух пасажырскіх цягнікоў. Прапанова прагучала на канферэнцыі Арганізацыі супрацоўніцтва чыгунак, якая прайшла 14-17 красавіка ў Варшаве.

Прадстаўнік Літвы на пасяджэнні адсутнічаў, таму зварот да яго быў зроблены завочна. Што адказалі іншыя — невядома.

Затое ўжо некалькі гадоў вядома, што транспартныя абмежаванні, як і іншыя санкцыі, будуць знятыя, калі Лукашэнка спыніць палітычныя рэпрэсіі і перастане дапамагаць Пуціну ў вайне супраць Украіны.

У канферэнцыі ў Варшаве прынялі ўдзел прадстаўнікі 23 чыгуначных адміністрацый і профільных прадпрыемстваў. "Беларуская чыгунка" з'яўляецца чальцом Арганізацыі супрацоўніцтва чыгунак з 1992 года.