Беларускія памежнікі збівалі беспілотнік і ледзь не перастралялі адзін аднаго

Беларускія памежнікі спрабавалі з аўтаматаў падбіць беспілотнік, але нічога не атрымалася. Відэа інцыдэнту з'явілася ва ўкраінскіх тэлеграм-каналах, піша Reform.by.

Калі і дзе зроблена відэа, невядома. Здымаў яго, відавочна, адзін з беларускіх удзельнікаў інцыдэнту.

Бачна, што людзі ў беларускай вайсковай форме стаяць на следавай паласе каля службовага аўтамабіля і страляюць у дрон, які вісіць насупраць іх. Пры гэтым беспілотнік, відавочна, находзіцца на сумежнай тэрыторыі.

Памежнікі выконваюць загады камандзіра і кладуцца на спіну, каб весці прыцэльную стральбу. Аднак усё адно пацэліць у дрон не могуць.

Апублікаванае і відэа з самага беспілотніка. На ім бачна, што памежнікі настолькі захапіліся стральбой, што бегаюць на лініі агню. Камандзір крычыць ім, каб былі больш асцярожнымі.