Беларуска пад польскім сцягам выйграла спаборніцтвы па скачках у вышыню

Беларуская лёгкаатлетка Марыя Жодзік выйграла этап "Дыяментавай лігі" ў скачках у вышыню. Яна выступала пад польскім сцягам.

Спаборніцтвы праходзілі ў Лазане ў цяжкіх умовах надвор'я — на стадыём абрынулася залева. Тым не менш, Жодзік змагла ўзяць вышыню ў 1,91 м.

У 2020 годзе Марыя Жодзік падпісала адкрыты ліст беларускіх спартоўцаў супраць гвалту, а ў 2022-м асудзіла напад Расіі на Украіну. У тым жа годзе скакуха пераехала ў Польшчу і цяпер жыве ў Беластоку.

Неўзабаве Жодзік атрымала права прадстаўляць Польшчу, а ў 2024-м ездзіла ад гэтай краіны на Алімпійскія гульні ў Парыжы.